პანგასიუსი ზაფრანითა და ატრიით

საჭირო მასალა: 1 ლ ბოსტნეულის ბულიონი, 50 გ სტაფილო, 1 გ ზაფრანა, 150 გ ატრია, 150 გ გაყინული ან დაკონსერვებული მწვანე ბარდა, 300 გ პანგასიუსის ფილე, 2 ს.კ. ლიმონის წვენი, 2 ს.კ. ზეთი, მარილი, პილპილი - გემოვნებით

მომზადება: ზაფრანა დავფქვათ მწიკვ შაქართან ერთად, დავასხათ ცოტა ცხელი წყალი და თბილად გავაჩეროთ. სტაფილო მოგრძო თხელ ნაჭრებად დავჭრათ. ავადუღოთ ბულიონი, ჩავუმატოთ მარილი, პილპილი, ზაფრანიანი წყალი და როცა ადუღდება, ჩავყაროთ ატრია. ატრიის მოხარშვას ცოტა რომ ეკლდება, დავუმატოთ სტაფილო, მწვანე ბარდა და ერთად მოვხარშოთ. თევზს მოვასხათ ლიმონის წვენი, მოვაყაროთ მარილი და პილპილი. თევზის ნაჭრები გაცხელებულ ზეთში ორივე მხრიდან შევწვათ. ბოსტნეული და ატრია გადავწუროთ, 100 მლ ბულიონი კი შევინახოთ. ღრმა თეფშზე მოვათავსოთ მოხარშული ატრია ბოსტნეულთან და თევზთან ერთად, ზემოდან კი ბულიონი მოვასხათ.

© ღვინის კლუბი/Weekend