კალმახის ფილე პირშუშხათი

საჭირო მასალა: 600 გ პრასი, 1 კონა მწვანე ხახვი, 60 გ პირშუშხა, 2 ს.კ. საშუალო სიცხარის მდოგვი, 1 კვერცხის გული, 8 ნაჭერი კალმახის ფილე (კანიანად), 3 ს.კ. ზეითუნის ზეთი, 50 მლ თეთრი მშრალი ღვინო, 6 ნაჭერი თეთრი პური, მარილი, შაქარი, პილპილი – გემოვნებით.

მომზადება: პურის ნაჭრებს მოვაჭრათ ქერქი და დავაქუცმაცოთ. თითოეული პრასი სიგრძეზე გავჭრათ, შემდეგ კი 3 სმ სიგრძის ნაჭრებად დავჭრათ. წვრილად დავჭრათ მწვანე ხახვი. პირშუშხა გავხეხოთ. მწვანე ხახვის ნახევარი, პირშუშხა, მდოგვი და კვერცხის გული პურის ნაფხვენში ავურიოთ. მოვაყაროთ მარილი და პილპილი.  კალმახის ფილე შევამშრალოთ. მოვაყაროთ მარილი და პილპილი. საცხობ ფორმაში ჩავაფინოთ ქაღალდი და მოვათავსოთ თევზის ნაჭრები. ზედ გადავანაწილოთ მომზადებული კვერცხიანი საფანელის მასა. ვაცხოთ 180-200 გრადუსზე გახურებულ ღუმელში 10 წუთის განმავლობაში. ტაფაზე გავაცხელოთ ზეთი, დავუმატოთ პრასი და 2 წუთი ვშუშოთ. დავასხათ ღვინო და 100 მლ წყალი და დაბალ ცეცხლზე 10-15 წუთი ვშუშოთ. მოვაყაროთ მარილი და პილპილი. ღუმლიდან გამოღებულ თევზს მოვასხათ მოშუშული პრასის სოუსი.

© ღვინის კლუბი/Weekend