შემწვარი ღორის რულეტი ხმელთაშუაზღვისპირულად

საჭირო მასალა: 70 გ შავი ზეთისხილი, 50 გ პამიდვრის ჩირი, 150 გ ნიახურის ღერები, 4 ცალი სალბის ფოთოლი, 1 კგ ღორის რბილი ხორცი, 3 ს.კ. ზეითუნის ზეთი, 200 მლ თეთრი მშრალი ღვინო, 300 მლ ხორცის ბულიონი, მარილი, პილპილი – გემოვნებით.

მომზადება: ზეთისხილი, პამიდვრის ჩირი, ნიახური და სალბი წვრილად დავჭრათ და ავურიოთ. ხორცს დავაფინოთ ცელოფანი და დავბეგვოთ. მოვაყაროთ მარილი და პილპილი. ხორცის ფენაზე მოვათავსოთ გულსართის 2/3 ნაწილი, გადავახვიოთ და კულინარიული ძაფით შევკრათ. ტაფაზე გავაცხელოთ ზეთი, ზედ მოვათავსოთ რულეტი და ყველა მხრიდან შევბრაწოთ, დავასხათ ღვინო და დავუმატოთ დარჩენილი გულსართი. ტაფა შევდგათ 180 გრადუსზე გახურებულ ღუმელში 1,5 საათით. შიგადაშიგ ხორცს მისივე წვენი მოვასხათ.

© ღვინის კლუბი /Weekend