გამოქვეყნებულია: 14 სექტემბერი, 2008 - 18:04
აშშ-ისა და პოლონეთის წარმომადგენლებმა რესპუბლიკაში ამერიკული რაკეტსაწინააღმდეგო სისტემის განლაგების შეთანხმების ხელმოწერა ქართული ღვინის დალევით აღნიშნეს. ამის შესახებ პოლონური გაზეთი Ziennik -ი იუწყება.
ღვინო სადილზე მიართვეს, რომელსაც პოლონეთის საგარეო საქმეთა მინისტრი რადოსლავ სიკორსკი და აშშ-ის სახელმწიფო მდივანი კონდოლიზა რაისი ესწრებოდნენ. გაზეთის განცხადებით ისინი 2005 წლის მოსავლის "კახურ სამეფოს" სვამდნენ ("ქინძმარაულის მარანი").
პოლონეთის მხარე აცხადებს, რომ ამ ღვინის სასარგებლოდ არჩევნის გაკეთებით რუსეთის გაღიზიანება არ სურდა. პოლონეთის საგრეო საქმეთა მინისტრის მოადგილის, რიჩარდ შნეპფის განცხადებით, კონდოლიზა რაისმა განაცხადა, რომ ქართული ღვინო არასდროს გაუსინჯავს.
შეგახსენებთ, რომ 20 აგვისტოს, ვარშავაში პოლონეთმა და აშშ_მ პოლონეთში ამერიკის რაკეტსაწინააღმდეგო ობიექტების განლაგების შესახებ ხელშეკრულებას მოაწერეს ხელი. პოლონური მხრიდან ხელშეკრულებას ხელი მოაწერეს ქვეყნის საგარეო საქმეთა მინისტრმა, რადისლავ სიკორსკიმ, ხოლო აშშ-დან ქვეყნის სახელმწიფო მდივანმა კონდოლიზა რაისმა, რომელიც ვარშავაში ბრიუსელიდან სპეციალურად ამ ფაქტის გამო ჩავიდა.
ხელმოწერის შემდეგ დოკუმეტი რატიფიცირებისთვის პოლონეთის პარლამენტს გადაეცემა, ხოლო შემდგიომ მას ქვეყნის პრეზიდენტი ლეხ კაჩინსკი დაამტკიცებს.
ხელშეკრულების თანახმად აშშ მიიღებს უფლებას პოლონეთის ტერიტორიაზე რაკეტსაწინააღმდეგო სისტემის განლაგებისთვის ათი ბაზა ააშენოს.
ხელშეკრულების თანახმად აშშ მიიღებს უფლებას პოლონეთის ტერიტორიაზე რაკეტსაწინააღმდეგო სისტემის განლაგებისთვის ათი ბაზა ააშენოს.
ბაზების მშენებლობა წელსვე დაიწყება და 2014-16 წლებისთვის დასრულდება.
ბაზების მშენებლობის სანაცლოდ აშშ პოლონეთს 96 რაკეტა Pატრიოტ-2-ს მიაწვდის, რომელსაც თავად აშშ-ის სპეციალისტები მოემსახურებიან.
ბაზების მშენებლობის სანაცლოდ აშშ პოლონეთს 96 რაკეტა Pატრიოტ-2-ს მიაწვდის, რომელსაც თავად აშშ-ის სპეციალისტები მოემსახურებიან.
"ჯი-ეიჩ-ენი"
თემა:
ბეჭდვა
თქვენი კომენტარი