ლატვიაში, ტალსას რეგიონის ფერდობებზე გაშენებული ვენახი გინესის რეკორდების გამოცემამ მსოფლიოში ყველაზე ჩრდილოეთით მდებარე ვენახად აღიარა. საბილაში სულ 35 ჯიშის ყურძენი მოჰყავთ, თუმცა ძირითადი სახეობა ზილგას (Zilga) ჯიშია. მევენახეობა-მეღვინეობით ამ ადგილებში ჯერ კიდევ XVII საუკუნეში დაინტერესდნენ, ტალსას ღვინოებით ჰერცოგის კარი მარაგდებოდა. ამ ხნის განმავლობაში ვენახები რამდენჯერმე გაუდაბურდა, თუმცა ენთუზიასტთა წყალობით მუდამ ხერხდებოდა მათი აღორძინება. სანდრა მიხაილოვა, რომელიც ქალაქ საბილაში ტურიზმის საკითხებს კურირებს, ამბობს, რომ ვენახები ადგილობრივ თვითმმართველობას ეკუთვნის, რომელსაც ლატვიაში მოქმედი კანონის თანახმად, ალკოჰოლის გაყიდვის უფლება არ აქვს. ამდენად, ამ ვენახების ღვინის დაგემოვნება მხოლოდ Sabiles Vina Festival - ზეა შესაძლებელი, რომელსაც საფუძველი 1999 წელს ჩაეყარა.
ბეჭდვა
თქვენი კომენტარი