გამოქვეყნებულია: 23 მარტი, 2011 - 00:28
ყირგიზეთის ეკონომიკური რეგულირების მინისტრი – უჩკუნბეკ ტაშბაევი ქვეყნის პარლამენტის სხდომაზე გამოვიდა წინადადებით – დამატებითი ღირებულების გადასახადისგან (დღგ) და აგრეთვე საშემოსავლო გადასახადისგან გათავისუფლდეს ყველა ის მეღვინე, რომელიც საკუთარ ვენახს ამუშავებს და წარმოებაში მხოლოდ თავის ნედლეულს იყენებს. კანონში ასეთი ცვლილების შეტანით ჩვენ ხელს შევუწყობთ წარსულში მომგებიანი დარგის კვლავ აყვავებას, - განაცხადა მინისტრმა. ლაპარაკია ქვეყნის მასშტაბით 4-5 კერძო საწარმოზე, რომლებიც ახლა, პრაქტიკულად, გაჩერებულია.
ყირგიზეთის მთავრობის წევრთა თქმით, დაზოგილი თანხებით მეღვინეები ვენახების აღდგენას შეძლებენ - ეს კი, შეიძლება ითქვას, ერთადერთი გზაა დარგის გადასარჩენად და ფეხზე დასაყენებლად.
© ღვინის კლუბი/Weekend
ბეჭდვა
თქვენი კომენტარი