საფრანგეთში 2004 წლის მოსავლის Dom Perignon-ის შამპანურის საგანგებო გაყიდვა მოეწყო. ღვინით მოვაჭრეები გაოცებულნი იყვნენ, რადგან 3 ათასი 6-ბოთლიანი კეისი სულ რამდენიმე საათში გაიყიდა და სამჯერ მეტი მოგება ნახეს, ვიდრე ვარაუდობდნენ. მყიდველთა შორის უმრავლესობა ბრიტანელები იყვნენ - ბრიტანეთი ხომ ფრანგული ელიტური ღვინოების ერთ-ერთი უდიდესი დამფასებელი და გამსაღებელი სახელმწიფოა. ამ გაყიდვასაც ბრიტანული უმსხვილესი კომპანიები ესწრებოდნენ და ყველა ერთხმად აღნიშნავდა, რომ Dom Perignon-ის ეს ვინტაჟი კომერციულად ფრიად მომგებიანი აღმოჩნდა. ფრანგებმა გასაყიდად გაიტანეს ღვინო, რომელიც კუპაჟური წესით 53% Pinot Noir-ისა და 47% Chardonnay-ს ერთად დაწურვისაგან არის მიღებული. ფრანგული ღვინის მოტრფიალეებს საშუალება ჰქონდათ თითო 6-ბოთლიანი კეისი 475 გირვანქა სტერლინგად შეეძინათ.
© ღვინის კლუბი/Weekend
ბეჭდვა
თქვენი კომენტარი