ვაშინგტონის შტატის კანონმდებლებმა შეიმუშავეს ადგილობრივი ლუდის წარმოების და მეღვინეობის ხელშეწყობისპროგრამა. პროგრამის თანახმად, შტატის მაღაზიებში მყიდველებს შეუძლიათ ღვინის და არყის გასინჯვა.
პროგრამა ერთწლიანია. გამყიდველებს უფლება აქვთ ბოთლიდან გასასინჯად ჩამოასხან ოთხი უნცია (დაახლ. 118 მილილიტრი) სასმელი. გასასინჯი სასმელის რაოდენობას მხარი დაუჭირეს ადგილობრივმა ლუდის და ღვინის მწარმოებლებმა, რომელთაც არ აქვთ საკუთარი მარკეტინგული პროგრამა. მათი აზრით, ეს პროგრამა ხელს შეუწყობს სასმელზე მოთხოვნილების გაზრდას.
პროგრამის მოწინააღმდეგეთა მთავარი არგუმენტი ისაა, რომ ალკოჰოლური სასმელის ასე სააშკარაოდ გამოყენება არასრულწლოვანებს ცუდ მაგალითს მისცემს.
პარლამენტის ზედა პალატაში ეს პროგრამა 29 ხმით გავიდა 17-ის წინააღმდეგ. ცოტა უფრო ადრე მას მხარი დაუჭირა ქვედა პალატამაც. ახლა დოკუმენტი გუბერნატორისგან ელის დამტკიცებას.
© „მარანი“
ბეჭდვა
თქვენი კომენტარი