პარიზში, უკრაინის ისტორიაში პირველად, ჩატარდა უკრაინული ღვინოების პრეზენტაცია-დეგუსტაცია, რომელსაც ვაზისა და ღვინის საერთაშორისო ორგანიზაციამ International Organisation of Vine and Wine (OIV) უმასპინძლა. ფრანგმა ექსპერტებმა უკრაინას შესთავაზეს, კვლავ გახდეს OIV-ის წევრი. შეგახსენებთ, რამდენიმე წლის წინ საწევროს გადაუხდელობის გამო უკრაინამ ორგანიზაციის წევრის სტატუსი დაკარგა. ამ “დაბრუნების” წყალობით უკრაინის ღვინოებისათვის მსოფლიო ბაზარი კვლავ გაიხსნება. დელეგაციის წევრებმა განაცხადეს, რომ ისინი აღნიშნულ საერთაშორისო ორგანიზაციაში წელსვე გაერთიანდებიან. უკრაინის აგრარული საკითხებისა და სურსათის სამინისტროს წარმომადგენელმა, ვიქტორ კოსტენკომ განმარტა, რომ დაფინანსების საკითხი უმაღლეს დონეზე გადაწყდა. ორგანიზაციაში გაწევრების ვადებისა და პირობების განსახილველად უკვე დაგეგმილიაOIV-ის გენერალური მდივნისა და უკრაინის ხელისუფლების წარმომადგენელთა შეხვედრა. თუკი აუცილებელი პროცედურები სწრაფადვე მოგვარდება, უკრაინის განაცხადს ვაზისა და ღვინის მსოფლიო XVI კონგრესსა და ბუქარესტში, OIV-ის გენერალური ასამბლეის XI სხდომაზე განიხილავენ.
© ღვინის კლუბი/Weekend
ბეჭდვა
თქვენი კომენტარი