სამხრეთ აფრიკის რესპუბლიკის ღვინის მრეწველობის ასოციაციის საინფორმაციო განყოფილების (South African Wine Industry Information & Systems) ცნობით, 2011 წელს ქვეყანაში დაახლოებით 1,35 მილიონ ტონა ყურძნის გადამუშავებას ვარაუდობენ, რაც გასულ წელთან შედარებით 7,3%-ით მეტია. ამგვარი ოპტიმისტური პროგნოზის მიზეზს შესანიშნავი ამინდები და ვენახებში სოკოვანი დაავადებების არარსებობა იძლევა. თუმცაღა, ასეთი უხვი მოსავლის შედეგად გაუყიდავი ღვინის მარაგი 348,8 მილიონი ლიტრიდან, სავარაუდოდ, 393,4 მილიონ ლიტრამდე გაიზრდება.
ღვინის მწარმოებელი ქვეყნების მსოფლიო რეიტინგში სამხრეთ აფრიკის რესპუბლიკას დღესდღეობით მეშვიდე ადგილი უკავია. მიუხედავად წარმოების ტემპის ზრდისა, ქვეყნის შიგნით ღვინის მოხმარების ინდექსი 1993 წლის მაჩვენებელს ვერ გასცდა - თითოეულ მცხოვრებზე საშუალოდ წელიწადში 7,5 ლიტრი ღვინო მოდის.
© ღვინის კლუბი/Weekend
ბეჭდვა
თქვენი კომენტარი