მსოფლიოს ყველაზე ძვირ ტეკილაში მილიონობით დოლარს ითხოვენ

მექსიკელებმა მთელი მსოფლიო გააოცეს, როცა გასაყიდად მსოფლიოს უძვირესი ტეკილა გამოიტანეს. ტეკილა, რომელიც ლონდონში გაიყიდება, მილიონობით დოლარი ღირს. კონკრეტულად კი, მისი ფასია 3,5 მილიონი დოლარი. 7 წლის ძვირფასი ტეკილა მექსიკაში, ხალისკოს შტატში Hacienda La Capilla-ს ქარხანაშია დამზადებული. მისი მოცულობა 1,3 ლიტრია და ის ასპროცენტიანი ცისფერი აგავასგანაა მიღებული. ტეკილას დაუჯერებელი ფასი განპირობებულია არა იმდენად თვითონ სასმელით, არამედ მასალით, რომლითაც ჭურჭელია დამზადებული. ბოთლის შესაქმნელად 2,38 კილოგრამი პლატინა და საერთო ჯამში 328 კარატი 400-ზე მეტი ბრილიანტია გამოყენებული. ეს უძვირფასესი ბოთლი ცნობილი დიზაინერის, ფერნანდო ალტამირანოს მიერაა დამზადებული. თუკი სასმელი სასტარტო ფასად მაინც გაიყიდება, მაშინ ის დამსახურებულად მოიპოვებს მსოფლიოში ყველაზე ძვირი ტეკილას სახელს და გინესის რეკორდების წიგნშიც მოხვდება. ამგვარად, ის წინა რეკორდსაც მოხსნის, რომელიც ასევე Hacienda La Capilla-ს წარმოების ტეკილას ეკუთვნის. 1996 წელს ის აუქციონზე 225 ათას დოლარად გაიყიდა.

© ღვინის კლუბი/Weekend