სწორედ ასეთი მოწოდებით მიმართა კოლექციონერებს ჩინელმა ეკონომისტმა Andy Xie-m თავის ბლოგში. ის ურჩევს ღვინის თაყვანისმცემლებს, რაც შეიძლება მალე მოიცილონ ამ ცნობილი მარკის ღვინო. აზიაში დღეს უპრეცედენტო მოთხოვნაა სახელგანთქმულ Chateau Lafite–ზე. მედოკის მეურნეობის წარმომადგენლები სარგებლობენ ამ პოპულარობით და სხვადასხვა ხერხებით იზიდავენ მომხმარებელს. ამისთვის ისინი წარმატებულ მარკეტინგულ სვლებს იყენებენ – მაგალითად, 2008 წლის მოსავლის ღვინოზე ჩინელთა იღბლიანი ციფრი "8" იეროგლიფით გამოსახეს. ეკონომისტი აღნიშნავს, რომ შეგნებულად გაბერილი "ლაფიტის ბუშტი" იმ სიტუაციას მოგვაგონებს, როდესაც ხელოვნურად გაიბერა ფასები ნავთობზე, უძრავ ქონებაზე, ფასიან ქაღალდებზე, სესხებზე და სხვ. რამაც, საბოლოო ჯამში, არსებულ ეკონომიკურ კრიზისამდე მიგვიყვანა. ბლოგერი ენდი დარწმუნებულია, რომ Chateau Lafite-ს ფასის ზრდაც ხელოვნურად ხდება და მასში გადახდილი რეკორდული თანხა არ ასახავს ამ ღვინის რეალურ ფასს. კონკრეტულ ღვინოზე ასეთი დიდი მოთხოვნა, სავარაუდოდ, უფრო გაზრდის ფალსიფიკაციის პრობლემას, მისი ,,წარმოება” უფრო მომგებიანი გახდება. თანაც, არ არსებობს ზუსტი აღრიცხვა, თუ ამ ღვინის რა რაოდენობა ტრიალებს მსოფლიოში.
ენდი პოსტს ასრულებს დასკვნით, რომ Chateau Lafite-ს ფასები სიმპტომურია. ის ასახავს ჩინეთის საერთო ინფლაციურ პრობლემებს, რომლის პროვოცირებასაც ქვეყნის ცენტრალური ბანკი ანაბრებზე საპროცენტო განაკვეთის გაზრდის წყალობით ახდენს. ადრე თუ გვიან ამის გამო ფასები მკვეთრად დაეცემა. "რომ მქონდეს Chateau Lafite-ს ბოთლი, მას სასწრაფოდ გავყიდდი" - გვირჩევს ეკონომისტი ბლოგერი.
© ღვინის კლუბი/Weekend
ბეჭდვა
თქვენი კომენტარი