მოლდოვის მთავრობის ვიცე-პრემიერმა და, ამავდროულად, ეკონომიკის მინისტრმა ვალერი ლაზერმა მადლიერება გამოხატა იაპონიის მთავრობის მიმართ, რომელმაც, მიწისძვრის მიუხედავად, მოლდოვას პარტნიორობის ფონდის ფარგლებში გრანტის სახით 20 მილიონი ლეის დახარჯვის საშუალება მისცა. ,,ეს კიდევ ერთხელ მეტყველებს იმაზე, რომ იაპონიის მთავრობა ვაჟკაცურად შეხვდა განსაცდელს და ჩვენი ვალია, გრანტს სწორი მიმართულება მივცეთ”, - განაცხადა მინისტრმა.
მოლდოვაში იაპონიის ელჩთან – ტადაში იზავასთან შეხვედრისას ვალერი ლაზერმა იაპონიის ღვინის ბაზარზე შესვლის სურვილიც გამოთქვა. კერძოდ, საუბარია წითელ ღვინოზე, რომელიც, როგორც ცნობილია, რადიაციული დასხივებისას ორგანიზმიდან რადიონუკლიდების გამოდევნის საუკეთესო საშუალებაა. იაპონიაში კი, როგორც ცნობილია, მიწისძვრის შედეგად დაზიანდა ატომური სადგური ფუკუსიმა და რადიაციის საფრთხე მართლაც რომ რეალურია. შეგახსენებთ, რომ მოლდოვამ იაპონიას ტრაგედიის პირველ დღეებშივე გაუგზავნა ჰუმანიტარული დახმარება – 28 ათასი ბოთლი წითელი ღვინო.
© ღვინის კლუბი/Weekend
ბეჭდვა
თქვენი კომენტარი