გერმანიის ზოგიერთ მევენახეობის რეგიონში 1981 წლის მოვლენები განმეორდა – უკანასკნელი 30 წლის განმავლობაში უძლიერესმა ყინვებმა მოსავლის მნიშვნელოვანი წილი გაანადგურა. პფალცში, რეინესენში, ვიურტემბურგსა და ფრანკონიაში ტემპერატურა მინუს ხუთ გრადუსამდე დაეცა.
გერმანიის ღვინის ინსტიტუტის წარმომადგენლების თქმით, ყინვის უარყოფით შედეგებზე საუბარი ჯერ ნაადრევია, თუმცა ადგილობრივი სპეციალისტები აცხადებენ, რომ მოულოდნელმა ყინვამ მოსავლის დაახლოებით 50-90% შეიწირა. განსაკუთრებით დაზარალდა ადრეული ჯიშები – დორნფელდერი და შპეტბურგუნდერი (პინო ნუარი).
ამ ყოველივეს გათვალისწინებით, გერმანელი სპეციალისტები ვარაუდობენ, რომ წლევანდელი მოსავალი შარშანდელზე უარესი იქნება, შარშანდელი მოსავალი კი ბოლო 25 წლის განმავლობაში ყველაზე მცირედ აღიარეს.
© ღვინის კლუბი/Weekend
ბეჭდვა
თქვენი კომენტარი