ესპანელმა მეცნიერებმა ლუდის ბოთლის ეტიკეტზე დაკვირვების გარეშეც ისწავლეს ლუდის მწარმოებელი ქვეყნის განსაზღვრა - ქაფიანი სასმლის წარმომავლობას ქიმიური ანალიზის მიხედვით ადგენენ. სევილიის უნივერსიტეტის მკვლევარებმა დაადგინეს, რომ სხვადასხვა ქვეყნებში წარმოებული ლუდი ერთმანეთისგან შემადგენლობის მიხედვით განსხვავდება. მაგალითისთვის – დიდ ბრიტანეთსა და სხვა სახელმწიფოში დამზადებული ერთი და იმავე სახეობის ლუდში რკინის, კალიუმის, ფოსფატების, პოლიფენოლებისა და სხვა ნივთიერებათა განსხვავებული რაოდენობა იქნება. სევილიის უნივერსიტეტის ქიმიკოსი, ზემოხსენებული გამოკვლევების ავტორი, ხოსე მარკოს ხურადო განმარტავს, რომ ლუდის მწარმოებელი ქვეყნის განსაზღვრა იმ ძირითად ნედლეულზე დაყრდნობით შეიძლება, რისგანაც მზადდება სასმელი - ესაა წყალი და სვია. ანალიზის დროს ყურადღება ექცევა ლუდში შემავალი ელემენტების ნაკრებს. ასეთი მეთოდით ესპანელმა მეცნიერებმა შეისწავლეს და განსაზღვრეს არა მარტო ესპანური, არამედ გერმანული და პორტუგალიური ლუდის შემადგენლობა და ამ გამოთვლებს 99,3% -იანი სიზუსტით აწარმოებენ.
© ღვინის კლუბი/Weekend
ბეჭდვა
თქვენი კომენტარი