ლონდონის ღვინის გამოფენაზე ქართული ღვინოც წარდგება

 

 

12-14 მაისს ლონდონში ღვინისა და ალკოჰოლური სასმელების საერთაშორისო გამოფენა გაიმართება, რომელშიც ქართული კომპანიებიც მიიღებენ მონაწილეობას.

 

ლონდონის ღვინის გამოფენა 1980 წელს დაარსდა და მსოფლიო ღვინის სამყაროში ყველაზე მნიშვნელოვან ღონისძიებად მიიჩნევა. მასში ყოველწლიურად 35 ქვეყნის 1400-მდე კომპანია მონაწილეობს. ასევე, ესწრება 15 ათასამდე პროფესიონალი მსოფლიოს სხვადასხვა ქვეყნიდან. მონაწილეობენ ღვინისა და სპირტიანი სასმელების მწარმოებლები მსოფლიოს ყველა უმთავრესი მწარმოებელი ქვეყნიდან.

 

წელს ლონდონში საქართველოდან 11 კომპანია წარდგება. ესენია: "ქინძმარაულის მარანი," "სარაჯიშვილი", "თბილღვინო," "თელავის ღვინის მარანი," "ბაგრატიონი," "თელიანი ველი," "ოროველა," "შატო მუხრანი," "კახური." "GWS" და "ვაინ მენი." გამოფენას დაესწრებიან სოფლის მეურნეობის მინისტრი ბაკურ კვერეზერელი და "სამტრესტის" ხელმძღვანელი ვასილ მანაგაძე.