კომპანია "ლუკასის" ჩხავერი - გამარჯვებულთა შორის გამარჯვებული გახდა

კომპანია "ლუკასის" 2012 წლის ჩხავერმა Sakura-ს 1-4 თებერვლის კონკურსის ორმაგი ოქროს შემდეგ, ახლა უკვე ბრილიანტის ჯილდო დაიმსახურა. 

Sakura-ს ღვინის კონკურსი რამდენიმე ეტაპად იმართება სხვადასხვა მასშტაბური ღონისძიებების ფარგლებში. მისი ჟიური დაკომპლექტებულია ღვინის ექსპერტი ქალბატონებით.

კონკურსში, რომელიც 1-4 თებერვალს ჩატარდა ტოკიოში, სულ 1223 გამარჯვებული იყო, რომელთაგან 165-მა ორმაგი ოქრო, 577-მა - ოქრო, 481-მა კი - ვერცხლის ჯილდო მიიღო. კონკურსის წესდება ითვალისწინებს პირველ ეტაპზე გამარჯვებული ღვინოების წარდგინებას იაპონიაში კვებისა და სასმელების ყველაზე მასშტაბურ ღონისძიებაზე Foodex Japan 2015, სადაც Sakura-ს ბრილიანტის გამარჯვებულების ვინაობა ვლინდება.

Foodex Japan-ის ფარგლებში "ლუკასის" ჩხავერი პირველ ეტაპზე გამარჯვებულ ღვინოებს (1000-ზე მეტი დასახელება) შორის, ახლა უკვე ბრილიანტის ჯილდოების ოცდაათეულში მოხვდა საფრანგეთის, არგენტინის, იტალიის, პორტუგალიის, ესპანეთის, ამერიკის, უნგრეთისა და ჩილეს ღვინოების გვერდით. 

© საქართველოს ღვინის კლუბი, ღვინის ეროვნული სააგენტო