გამოქვეყნებულია: 24 ივლისი, 2014 - 16:49
ნაბახუსევი, რომელიც ბევრ ადამიანს უქმნის სერიოზულ დისკომფორტს, შეიძლება ნახშირწყლებით მდიდარი საუზმით შევიმსუბუქოთ, - ასე თვლის ბრიტანელი მეცნიერი, კილის უნივერსიტეტის პროფესორი რიჩარდ სტივენსი. ასეთი საუზმის საუკეთესო ნიმუშია ტრადიციული ინგლისური საუზმე, რომელიც შემწვარი ბეკონის, სოსისის, ერბოკვერცხის, ლობიოსა და გახუხული პურისგან შედგება. ნახშირწყლები ხელს უწყობს ორგანიზმში შაქრის დონის ამაღლებას და ხსნის ალკოჰოლის გადაჭარბებული დოზისგან გამოწვეულ დისკომფორტს. პროფესორ სტივენსის განმარტებით, ნაბახუსევის მოსახსნელად ყველაზე გამართლებულია ისეთი საკვების მიღება, რომელიც ორგანიზმს გლუკოზით მოამარაგებს, რადგან ნაბახუსევი მეტაბოლიზმის დარღვევასთან და შაქრის დონის დაწევასთან არის კავშირში.
© ღვინის კლუბი /Weekend
თემა:
ბეჭდვა
თქვენი კომენტარი