ბულგარეთი ექსპორტს ზრდის

ბულგარეთის მეღვინეობისა და მევენახეობის სააგენტოს დირექტორმა ქალაქ პლოვდივში გამართული საერთაშორისო გამოფენის – Vinaria 2011 გახსნის ცერემონიალზე განაცხადა, რომ გასულ წელს ბულგარული ღვინის ექსპორტი, 2009 წელთან შედარებით, 10%-ით გაიზარდა. ღვინის ექსპორტმა, საერთო ჯამში, 57,6 მილიონი ლიტრი შეადგინა, აქედან 80% ბოთლის ღვინოზე მოდის. ბულგარული ღვინის გასაღების უდიდეს ბაზრად რჩება რუსეთი, სადაც გასულ წელს ექსპორტი 20%-ით გაიზარდა. ბულგარელი მეღვინეები ასევე წარმატებით თანამშრომლობენ პოლონელ, ბრიტანელ, ჩეხ, ლიტველ და გერმანელ იმპორტიორებთან.

© ღვინის კლუბი/Weekend