კარდანახის ღვინის ფესტივალი 2022 გაიმართება ხვალ, 8 ოქტომბერს კახეთში, სოფელ კარდანახში, რომელიც ტრადიციული ღვინოებისათვის საუკეთესო ადგილად მოიაზრება. როგორც ღონისძიების გვერდზე ვკითხულობთ, სტუმრებს საშუალება ექნებათ გასინჯოთ და დააჭაშნიკონ ადგილობირივი მწარმოებლების
მიერ წარმოდგენილი ღვინოები. ფესტივალის მიზანი კი კარდანახის ღვინისა და ადგილწარმოშობის ადგილების პოპულარიზაცია, ახალი ჯიშების და უცნობი ღვინოების აღმოჩენაა. ორგანიზატორებისთვის მნიშვნელოვანი უშუალოდ მწარმოებლებთან შეხვედრა და გაცნობაა.
ღონისძიება 8 ოქტომბერს შაბათს დილის 11:00 საათიდან 18:00-მდე გაგრძელდება სასტუმრო "ამპელოში". სტუმრებს საშუალება მიეცემთ მონაწილეობა მიიღონ:
- ყურძნის დაწურვაში
- ჭაჭის გამოხდა-დეგუსტაციაში
- ჩურჩხლის ამოვლებაში
- კახური შოთის გამოცხობაში
- მწვადის შეწვაში
- სხვადასხვა მასტერკლასებსა და აქტივობებში
ღონისძიება გაიმართება ცოცხალი მუსიკის თანხლებით. მასპინძელი და ორგანიზატორია ღვინის კომპანია "კარდანახი 1888". ფესტივალზე დასწრება და მონაწილეობა კი უფასოა!
© ღვინის კლუბი/vinoge.com
ბეჭდვა
თქვენი კომენტარი