"ბაგრატიონი 1882" კომპანია "ბადაგონის" კოლექციაში იტალიაში ჩამოსხმული შამპანურის "პროსეკოს" ბაზარზე გამოჩენას ჯერჯერობით მშვიდად ხვდება. როგორც კომპანიის მარკეტინგის მენეჯერმა ირაკლი წერეთელმა განაცხადა, "პროსეკო" ძვირ სეგმენტზეა გათვლილი და დღეისთვის "ბაგრატიონი 1882" მასთან კონკურენციას იმიტომ არ აპირებს, რომ თავად ძვირ შამპანურს ჯერ არ აწარმოებს, თუმცა წერეთელი ირწმუნება, რომ მომავალი წლიდან ვითარება აუცილებლად შეიცვლება.
``მარტიდან ძვირი შამპანურის სერიას გამოვუშვებთ სახელწოდებით ``რეზერვი``, რომელიც ჩვენივე კოლექციის ``ძველი რეზერვის`` გაუმჯობესებული ვარიანტი იქნება და მისი ფასი 15 ლარიდან დაიწყება.
``რეზერვი`` ბოთლური მეთოდით და ერთწლიანი დაძველებით დამზადდება და ``პროსეკოსაც`` კონკურენციას გავუწევთ. საერთოდ კონკურენციას ნორმალურად აღვიქვამთ, რადგან ჩვენმა მომხმარებელმა იცის, რომ უმაღლესი ხარისხის პროდუქციას ვაწარმოებთ,`` – აცხადებს წერეთელი.
რაც შეეხება ``პროსეკოს``, ის ევროპაში ერთ–ერთი ყველაზე პოპულარული შამპანურია და იტალიაში ``ბადაგონის`` პარტნიორმა კომპანია ``ჯენერალემ`` ``ბადაგონი ქოლექშენის`` სახელით სპეციალურად ჩამოასხა. ``პროსეკო`` ქართულ ბაზარზე ათიოდე დღეა რაც გამოჩნდა და ქართველ მომხმარებელს შორის უკვე დიდი პოპულარობით სარგებლობს. მისი ფასი 20 ლარს აჭარბებს და ``ბაგრატიონი 1882``–ს მასთან, შეიძლება ითქვას, მართლაც სერიოზული კონკურენცია ელოდება.
რადიო ``კომერსანტი``
ბეჭდვა
თქვენი კომენტარი