ახალზელანდიელ მეღვინეთა წლიური ანგარიში

გასულ წელს ახალზელანდიური ღვინის ექსპორტი, თანხობრივი თვალსაზრისით, 8%-ით გაიზარდა და საერთო ჯამში 1,16 მილიარდი დოლარი შეადგინა. 2008 წლის მონაცემებთან შედარებით, ღვინის საზღვარგარეთ გაყიდვებმა 79%-ით მოიმატა. ღვინის გაყიდვები შიდა და საგარეო ბაზრებზე 10%-ით გაიზარდა და რეკორდულ მაჩვენებელს – 242 მილიონ ლიტრს მიაღწია. ახალზელანდიელ მეღვინეთა ასოციაციის თავმჯდომარის, სტიუარტ სმიტის განცხადებით, წარმატებულმა გაყიდვებმა შესაძლებელი გახადა პროდუქციის მოთხოვნა-მიწოდების დარეგულირება და მომავალი წლის ბაზრის დინამიკის განსაზღვრა.

© ღვინის კლუბი/vinoge.com