იტალიაში დაიწყო წლევანდელი ახალგაზრდა ღვინის – Novello-ს მოსავლის გაყიდვების სეზონი. ამის აღსანიშნავად პარასკევს საღამოს ბარებში, პაბებში და რესტორნებში სპეციალური სადღესასწაულო დეგუსტაციები გაიმართა. ბაზარზე უკვე გატანილია დაახლოებით 5 ევროდ ღირებული 8 მილიონი ბოთლი ღვინო 200 იტალიელი მეწარმისაგან, რომელიც ბოლო კვირეების განმავლობაში შეგროვდა. ამჯერად Novello-მ ბაზარზე მოხვედრის სისწრაფით ფრანგულ ბოჟოლე ნუვოსაც გაუსწრო. წლევანდელი Novello-ს დიდი ნაწილი ვენეტოს რეგიონში დამზადდა, კარგი მოსავალი ჰქონდა ტოსკანასა და სარდინიის რეგიონებსაც. Novello ეს ის სასმელია, რომელიც პირველ ყოვლისა მდიდარი არომატული ბუკეტით გამოირჩევა და პრაქტიკულად ყველა კერძთან მიდის. მას ძირითადად ახალგაზრდები მიირთმევენ. Novello ზამთრის დადგომამდე უნდა დაილიოს, რადგანაც მალე ფუჭდება. საინტერესოა, რომ ამ ღვინოს მომხრეებიც ყავს და მოწინააღმდეგეებიც. უკანასკნელთა არგუმენტით სწრაფი დაყენებისა და ხილის ზედმეტი არომატის გამო ამ სამელს ნამდვილ წითელ ღვინოსთან საერთო არაფერი აქვს.
© ღვინის კლუბი/“Weekend“
ბეჭდვა
თქვენი კომენტარი