ღვინის ეროვნული სააგენტოს ცნობით, ვაზისა და ღვინის შესახებ საქართველოს კანონში საქართველოს პრეზიდენტის 2015 წლის 27 ოქტომბრის 4407-ის განკარგულების საფუძველზე შეტანილი ცვლილებების თანახმად, მიმდინარე წლის 9 დეკემბრიდან წარმოშობის სერტიფიკატს გასცემს ფინანსთა სამინისტროს მმართველობის სფეროში შემავალი – სსიპ – შემოსავლების სამსახური. დოკუმენტაცია მომზადებული იქნება სსიპ – ღვინის ეროვნული სააგენტოს მიერ წარდგენილი ინფორმაციის საფუძველზე.
აღნიშნულის გათვალისწინებით, ღვინის მწარმოებელმა კომპანიებმა სსიპ ღვინის ეროვნული სააგენტოს მომსახურების ცენტრში უნდა წარადგინონ საექსპორტო დოკუმენტაციის სრული პაკეტი ჩვეულებრივი წესით.
გარდა ამისა, ღვინის ეროვნული სააგენტო გასცემს შესაბამისობისა და VI-1 ფორმის სერტიფიკატებს.
მწარმოებლების მიერ მოწოდებული მონაცემების საფუძველზე შედგენილი დოკუმენტაცია ელექტრონული ფორმით გადაეცემა შემოსავლების სამსახურს შემდგომი წარმოებისათვის. ყველა სხვა შესაძლო ცვლილების შესახებ ღვინის მწარმოებელ კომპანიებს დამატებით ეცნობებათ.
© საქართველოს ღვინის კლუბი, ღვინის საინფორმაციო ცენტრი
ბეჭდვა
თქვენი კომენტარი