მუქი ლუდის ძველი რეცეპტი, რომელიც იორკშირის საგრაფოს არქივებში აღმოაჩინეს, შესაძლებელია ლუდის ბრიტანელ მოყვარულებს მხსნელად მოევლინოს. საქმე ისაა, რომ რეცეპტი, რომელიც 1825 წლით არის დათარიღებული, თეორიულად ძალიან იაფფასიანი ლუდის დამზადების საშუალებას იძლევა - 1 პინტი სულ რაღაც 11 პენსად. იაფი ლუდის რეცეპტი მეწარმე თომას დენტონს ეკუთვნის, რომელიც იორკშირის საგრაფოში XIX საუკუნეში ცხოვრობდა. ყაირათიან ბრიტანელს პაბებში ფულის ხარჯვა არ სურდა და ამიტომ ლუდს თვითონ ამზადებდა. საკუთარი წარმოების პორტერის რეცეპტი დენტონმა უბის წიგნაკში ჩაწერა, რომელიც სულ ახლახან, არქივის გადახედვისას აღმოაჩინეს. დენტონის რეცეპტით იაფი ლუდის დამზადების სურვილი შეიძლება დღესაც გაუჩნდეს რომელიმე ხელმომჭირნე ბრიტანელს, თუმცა, სპეციალისტების თქმით, უცნობია, რა სიმაგრისა და თვისებების მქონე იქნება ამგვარი ლუდი.
© ღვინის კლუბი/Weekend
ბეჭდვა
თქვენი კომენტარი