გამოქვეყნებულია: 29 იანვარი, 2009 - 00:23
ფინანსური კრიზისის მიზეზით უკრაინაში ღვინის კომპანია თელიანი ველის“ გაყიდვები 2008 წელს იგივე მაჩვენებელზე დარჩა, რაც 2007 წელს იყო. დაგეგმილი 30 პროცენტიანი ზრდა შექმნილი ვითარებიდან გამომდინარე ვერ განხორციელდა – ამის შესახებ განცხადებას უკრაინის ბაზარზე ”თელიანი ველის“ სადისტრიბუციო კომპანიის ხელმძღვანელი შოთა ხობელია აკეთებს.
ხობელია კატეგორიულად უარყოფს, რომ უკრაინის ბაზარი ქართული ღვინისთვის იკარგება. ”თელიან ველს“ მსგავსი პრობლემა არ აქვს. გასულ წელს ნახევარი მილიონი ბოთლი გავყიდეთ. 2009 წელიც შედარებით ნორმალურად დავიწყეთ. ღვინის ახალი პარტია უკვე ჩამოვიდა უკრაინაში. ღვინის საშუალო ფასმა 10 პროცენტით მოიმატა“, - დასძენს ხობელია.
რადიო “კომერსანტი”
ბეჭდვა
თქვენი კომენტარი