შამპანში მეღვინეებს ძაცვავენ

შამპანურის მწარმოებელი ცნობილი კომპანიის - Jacques Selosse -ს მარნიდან 3500 ბოთლი ღვინო მოიპარეს. ცხადია, ამ დანაკარგმა მეღვინეს დიდი ფინანსური ზარალი მიაყენა. მძარცველები მარანში ღამით შეიპარნენ, მათ არც 112 ევროდ ღირებული უძვირფასესი Substance Blanc de Blanc-ის კეისებში დაფასოებული ღვინოები გამორჩენიათ, რომლებიც და ამერიკასა და იაპონიაში გასაგზავნად იყო გამზადებული. კომპანიის პრესმდივანმა ფლორანს ტიუნევენმა განაცხადა, რომ მძარცველები კარგად იყვნენ ორგანიზებულნი და დეტალურად შემუშავებული გეგმა ჰქონდათ. “ქურდებმა ნაძარცვის გასატანად სატვირთო მანქანა გამოიყენეს, თუმცა როგორ მოხდა ეს, დღემდე ვერ მოვსულვართ გონს,” - განაცხადა პრესმდივანმა. მანვე განმარტა, რომ კომპანიამ 300 ათასი ევროთი იზარალა, თუმცა შეიძლება კიდევ უფრო დიდი ზიანიც მიადგეთ – მოპარულ ბოთლებს კომპანიის ეტიკეტები ერტყა. ეს კი იმას ნიშნავს, რომ ქურდებს შეუძლიათ Jacques Selosse-ის ფალსიფიცირებული ნაწარმიც გაყიდონ. შატო Jacques Selosse-ს მამული შამპანში 7,5 ჰექტარზეა გადაჭიმული. კომპანია ყოველწლიურად 57 ათას ბოთლ შამპანურს უშვებს. აღსანიშნავია, რომ Jacques Selosse ყურძენს არ ყიდულობს და სასმელს მხოლოდ საკუთარ მამულში დაკრეფილი მტევნებისაგან წურავს.

© ღვინის კლუბი/Weekend