გამოქვეყნებულია: 18 ნოემბერი, 2008 - 22:20
“შუმის“ და “ალავერდის ღვინის კომპანიის“ შემდეგ ქართველ მომხმარებელს საქართველოში ანალოგის არმქონე ღვინის ჩამოსხმას ამჯერად კომპანია ``ასურეთის ღვინის მარანი“ სთავაზობს.
როგორც “ასურეთის ღვინის მარანის“ დირექტორმა ზაურ კობეშავიძემ განაცხადა, ღვინო სახელწოდებით “შალა“ თბილისში რამდენიმე დღის წინ გამოჩნდა, მისი ფასი 30 ლარია და ჯერჯერობით მხოლოდ მაღაზია “საჭაშნიკეში“ და ასევე ხინკლის სახლში იყიდება.
ზაურ კობეშავიძის ინფორმაციით, კომპანია ბაზარზე მეორე წელია რაც გამოჩნდა და მისი ღვინოები ძირითადად შეძლებულ ფენაზეა გათვლილი. წლევანდელი რთველის შედეგად კომპანია 5000 ბოთლი ღვინის ჩამოსხმას აპირებს და მათ დისტრიბუციას ამ ეტაპზე მხოლოდ საქართველოში განახორციელებს. სამომავლოდ კომპანია წარმოების გაფართოებას და საექსპორტო ბაზრების მოძიებასაც გეგმავს.
რადიო “კომერსანტი“
ბეჭდვა
თქვენი კომენტარი