ლონდონის ღვინის ელექტრონული ბირჟის Liv-ex-ის მესვეურებმა გადაწყვიტეს თვალი ედევნებინათ იმისთვის, თუ როგორ მოქმედებს ბორდოს ღირებულებაზე მსოფლიოში სახელგანთქმული ღვინის ექსპერტის – რობერტ პარკერის შეფასება. ადრე ეს სისტემა ამგვარად მოქმედებდა – რაც უფრო მაღალი იყო პარკერის მიერ მინიჭებული ქულა, მით უფრო ძვირი ღირდა ღვინო. 2008 წლიდან მოყოლებული, სიტუაცია შეიცვალა – მსოფლიო ეკონომიკურმა კრიზისმა მოიცვა, ამასთან, აზიური ბაზარი აქტიურად დაინტერესდა ბორდოთი. აზიელ, განსაკუთრებით კი ჩინელ მომხმარებელს ბრენდის სახელი უფრო ხიბლავდა, ვიდრე ღვინის პარკერისეული შეფასებები. სწორედ ამის დამადასტურებელია ის ფაქტი, რომ ბოლო სამი წლის განმავლობაში (2008 წლის იანვრიდან მოყოლებული 2011 წლის იანვრის ჩათვლით), პარკერის ვერსიით შედარებით დაბალი ქულებით შეფასებული ბორდოები უფრო ძვირად იყიდება, ვიდრე უმაღლესი ქულებით აღნიშნული ღვინოები.
© ღვინის კლუბი/Weekend
ბეჭდვა
თქვენი კომენტარი