Irish Mist-ის ახალი მფლობელი

ცნობილი გახდა, რომ Gruppo Campari კომპანია  William Grant & Sons-საგან ყიდულობს შემდეგ მარკებს: Carolans, Frangelico, Irish Mist. როგორც Gruppo Campari-ს ანალიტიკოსები აცხადებენ, გარიგების საფასური 128,2 მილიონ ევროს შეადგენს. ამ შენაძენის შედეგად კი კომპანიის პროდუქციის გაყიდვების 50 მილიონი ევროთი ზრდაა მოსალოდნელი. William Grant & Sons Holdings Ltd. Mკი, თავის მხრივ, მწარმოებლისა და დისტრიბუტორის, C&C Group plc.-ის ალკოჰოლური ქვეგანყოფილების, Spirits & Liqueurs-ის ახალი მფლობელი გახდა. გარიგების საფასურად დაახლოებით 300 მილიონი ევრო სახელდება. C&C Group-ის საკუთრება იყო ისეთი ბრენდები, როგორიცაა: Tullamore Dew, Carolans, Frangelico, Irish Mist. ამ გარიგების შედეგად კომპანიის ვალები საგრძნობლად შემცირდა, ინვესტირება კი სხვა სახის ალკოჰოლური სასმელის, ძირითადად სიდრის წარმოების კუთხით გაძლიერდება. ზოგიერთი მონაცემებით, ვისკი Tullamore Dew  პოპულარობით მხოლოდ Jameson-ს ჩამორჩება, ლიქიორი Irish mist  კი მსოფლიოს 80-ზე მეტ ქვეყანაში იყიდება.