ჩვენი გაზეთის წინა ნომრებში ვწერდით, რომ ჩინეთი აქტიურადაა ჩართული მეღვინეობის სფეროში მიმდინარე მოვლენებში. გარდა იმისა, რომ ჩინელებმა ბორდოს არაერთი სახელგანთქმული შატო შეიძინეს, ისინი ადგილზეც აწარმოებენ ღვინოს და, როგორც აღმოჩნდა, საკმაოდ ხარისხიანსაც. სულ ახლახან კი ჩინური ღვინოები ლონდონში, Decanter Wine Awards-ის პრესტიჟულ კონკურსზე მედლებით აღინიშნა.
კონკურსზე წარმოდგენილი ღვინოების დეგუსტაციაში 200 პროფესიონალი მონაწილეობდა. მათ ჩინურ ღვინოს Helan Qingxue “Jia Beilan” 2009, 10 გირვანქა სტერლინგზე მეტი ღირებულების სეგმენტში აზიისა და ახლო და შორეული აღმოსავლეთის საუკეთესო წითელი ღვინის წოდება მიანიჭეს. კონკურსზე მედლით იმავე მარნის კიდევ ერთი ჩინური ღვინო აღინიშნა – 2008 წლის კაბერნე სოვინიონმა ვერცხლის მედალი დაიმსახურა. გარდა ამისა, ჩინური წარმოების ორი ღვინო სინძიან-უიგურის ავტონომიური რაიონიდან – Helan Mountain Classic Chardonnay 2008 და Helan Mountain Premium Collection Riesling ვერცხლისა და ბრინჯაოს მედლებით დაჯილდოვდა.
© ღვინის კლუბი/Weekend
ბეჭდვა
თქვენი კომენტარი