ღვინის პრესტიჟულ ჟურნალ Decanter –ში 2010 წლის ბორდოების რეიტინგი და დეგუსტაციის შენიშვნები გამოქვეყნდა. ღვინის ექსპერტები: სტივენ სპურიე - მედოკისა და გრავის, ჯეიმს ლოუტერი – მარჯვენა სანაპიროს, მიშელ ბეტანი კი – სოტერნისა და ბარსაკის ღვინოებით მიმოხილვით შემოიფარგლნენ.
ყველა ექსპერტმა ერთხმად აღნიშნა, რომ 2010 წლის მოსავალი ბორდოში, უბრალოდ, შესანიშნავი იყო, მაგრამ დრო გვიჩვენებს, აჯობებს თუ არა ის ხარისხით 2009 წლის მოსავალს. წინასწარი შეფასებით, 2010 წლის მოსავლის უკვე ოთხმა ღვინომ დაიმსახურა უმაღლესი, ოცქულიანი შეფასება, 2009 წელს კი ასეთი მხოლოდ ერთი ღვინო აღმოჩნდა.
წელს კრიტიკოსებმა უმაღლესი შეფასება მიანიჭეს ბორდოს შემდეგ ღვინოებს: Chateau Margaux, Chateau Latour, Chateau Lafite, Chateau Cheval Blanc.
მათ ოდნავ ჩამორჩა ხუთი ღვინო, რომლებიც 19,5 ქულით შეფასდა: Chateau Ausone, Chateau Palmer, Chateau Mouton-Rothschild, Chateau Leoville-Las-Cases, Chateau Haut Brion.
© ღვინის კლუბი/Weekend
ბეჭდვა
თქვენი კომენტარი