ხვალ და ზეგ ლონდონში, Tobacco Dock-ში წლის ერთ-ერთი უმნიშვნელოვანესი ღვინის დღესასწაული გაიმართება, რომელიც მსოფლიოს გამორჩეულ ნატურალურ, ბიო და ბიოდინამიკური მევენახეობის და მეღვინეობის წარმომადგენლებს მოუყრის თავს. Real Wine Fair წელს უკვე მეხუთედ იმართება Les Caves de Pyrène-ს ორგანიზებით და მასში, ტრადიციულად, ქართველი მეღვინეებიც მიიღებენ მონაწილეობას: იაგოს მარანი, იბერიელი, მანდილი, გიორგი რევაზაშვილის მარანი, ნიკოლაძეების მარანი, ოქროს ღვინო და ხოხბის ცრემლები.
ღონისძიების ფარგლებში არაერთი შეხვედრა, დეგუსტაცია და სემინარია დაგეგმილი, მათ შორის, ასევე ტრადიციად ქცეული The Georgian Supra, რომელიც ლონდონის ერთ-ერთ ყველაზე ცნობილ ნატურალურ ღვინის ბარში, Terroirs-ში გაიმართება 17 აპრილს, 18:30-ზე.
შეგახსენებთ, ქართველი ნატურალური ღვინის მწარმოებლები დაარსებიდანვე იღებენ მონაწილეობას Real Wine Fair-ში. წელს ფესტივალს ორი ქართველი დებიუდანტი ჰყავს - მანდილი და გიორგი რევაზაშვილის მარანი.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი