- როდის გადაწყვიტეთ მარნის დაარსება და რა იყო ამის მიზეზი?
- მარანი არსებობს 50 წელზე მეტია. ვაზი პირველად ჩვენმა დიდმა პაპამ გააშენა. მარანში იწურებოდა რქაწითელი და საფერავი. წლების შემდეგ ნელნელა დავიწყეთ განვითარება და ამ ეტაპზე 5 სახების ღვინოს ვაწარმოებთ.
- ვაზის რომელი ჯიშები გაქვთ გაშენებული და კიდევ რომელ ჯიშებზე აპირებთ ყურადღების გამახვილებას?
- ვენახში მოგვყავს საფერავი, რქაწითელი, ქისი, ხიხვი, კახური მწვანე. ჯერჯერობით არ ვგეგმავთ ახალი სხეობის გაშენებას.
- რა ღვინოებს აწარმოებთ და რითაა გამორჩეული თქვენი ღვინო?
- ჩვენი წარმოებული ყველა ღვინო ქვევრისაა, და, ვფიქრობ, თითოეული მათგანი გამოირჩევა უფრო მეტი არომატითა და მრავალფეროვანი ტონებით. ვაწამოებთ ზემოთ ჩამოთვლილი ჯიშების ღვინოებს.
- გაიხსენეთ საქართველოში ღვინის გაყიდვის თქვენი პირველი გამოცდილება, რომელ მაღაზიებთან გქონდათ ურთიერთობა?
- თავდირველად რესტორანში შეგვქონდა ჩვენი ღვინო და იქ ვყიდდით, შემდეგ 8000 მოსავალში და რამდენიმე ღვინის ბარში შევიტანეთ.
- გადის თუ არა თქვენი ღვინო უცხოეთის ბაზარზე?
- დიახ ჩვენი ღვინო საფრანგეთში გადის. .ჩვენთვის ძალიან საამაყო და სასიამოვნოა ეს ფაქტი, რადგან ძალიან მოსწონსთ ჩვენი ღვინო ფრანგებს და გაყიდვებიც, პრინციპში, ასე თუ ისე კარგად მიმდინარეობს
- რა სახის სირთულეები შეგხვედრიათ თქვენს საქმიანობაში? რა უნდა დაიხვეწოს ყველაზე მეტად ღვინის სფეროში?
- მთავარია ჰიგიენის ნორმები იყოს მარანში მაქსიმალურად დაცული და ყურადღება მნიშვნელოვნად მიექცეს ყურძნის ხარისხს, რაც დამეთანხმებით, აუცილებელი ფაქტორია ხარისხიანი ღვინის მისაღებად.
- თქვენი აზრით, რა არის ყველაზე მნიშვნელოვანი ფაქტორები თანამედროვე ქართული ღვინის კულტურის განვითარებისთვის?
- უმნიშვნელოვანესი ფაქტორებია მაღალი ხარისხის პროდუქციის შექმნა და კარგი პაირი, რათა კიდე უფრო ბევრმა გაიგოს ქართული ღვინის შესახებ მთელს მსოფლიოში.
- რას ურჩევდით დამწყებ მევენახე-მეღვინეებს?
- რჩევა ალბათ ის იქნება, რომ ყველაზე დიდი ყურადღება ისევ და ისევ ხარისხზე გაამახვილონ.
მარნის მისამართი:კახეთი, სოფ. კალარი
ტელეფონი:599007893
ელფოსტა:janiashviliestate@gmail.com
ვებ/ფეისბუკ გვერდი: https://www.facebook.com/profile.php?id=100075872665969&mibextid=ZbWKwL
© ღვინის კლუბი/vinoge.com
ბეჭდვა
თქვენი კომენტარი