ჯინის ძვირფასი კოლექცია

შეიქმნა ჯინის ახალი კოლექცია Bombay Sapphire Revelation. კოლექცია შედგება ბროლის ხუთი ხელნაკეთი ბოთლისგან, რომლებიც საფირონებით და ბრილიანტებითაა მორთული. ერთი ბოთლი 200 ათასი დოლარი ღირს.

დიზაინის ავტორია კარიმ რაშიდი. ბოთლი გიგანტურ ხუთწახნაგოვან ძვირფას ქვას მოგვაგონებს. წახნაგები იმ ათი ბოტანიკური ინგრედიენტის სიმბოლოებია, რომლებიც სასმელისთვის გამოიყენება.

კოლექციის თითოეული ბოთლი საფრანგეთში დამზადდა კომპანია Baccarat-ის მიერ. ეს კომპანია დახვეწილი ბროლის ნაკეთობების ფუძემდებელი კომპანიაა. ბოთლები იმითაცაა უნიკალური, რომ ინდივიდუალური საცობები აქვთ - უძველესი საიუველირო სახლის, Garrard-ის საფირონებითა და ბრილიანტებითაა მორთული.

ახალი კოლექციის რაოდენობა შეზღუდულია. ის წარმოდგენილი იქნება მსოფლიოს ხუთ უმსხვილეს აეროპორტში - ლონდონის, ნიუ-იორკის, დუბაის, სინგაპურისა და სიდნეის აეროპორტებში, თითოეულში მხოლოდ თითო ბოთლი. მფლობელს შენაძენი აეროპორტიდან გადაეცემა მსოფლიოს ნებისმიერ წერტილში.

კოლექციის გაყიდვიდან შემოსული თანხა ჩაირიცხება საქველმოქმედო ფონდში The Smile Train, რომლის მიზანია გაჭირვებულ ქვეყნებში ბავშვთა ქირურგიის მხარდაჭერა.

© „მარანი“