ბატკნის ჩიხირთმა

საჭირო მასალა: 1.5 კგ ბატკნის ხორცი, 4 კვერცხი, 2 ს.კ. ფქვილი, 3 თავი ხახვი, 1 კონა კამა, 1 კონა ქინძი, 1 ჩ.კ. ხმელი პიტნა, 0.5 ჩ.კ. კურკუმა, 1 ს.კ. კარაქი, 1 ს.კ. ძმარი, მარილი გემოვნებით.

მომზადება: 3-ლიტრიან ქვაბში მოვათავსოთ გარეცხილი და დაჭრილი ბატკნის ხორცი, დავასხათ ცივი წყალი და მოვხარშოთ. დუღილის დროს მოვქაფოთ. მოხარშული ხორცი ამოვიღოთ და ბულიონი გადავწუროთ. ხახვი წვრილად დავჭრათ და კარაქში მოვშუშოთ. შუშვის დროს დავამატოთ 100 მლ ბულიონის მოხდილი ცხიმი. გავთქვიფოთ კვერცხი ფქვილთან და ძმართან ერთად. დავუმატოთ მარილი, კურკუმა, 3 ჭიქა ბულიონი და მუდმივი მორევით წამოვადუღოთ. თანდათანობით დავუმატოთ დარჩენილი ბულიონი (დაახლოებით 2 ლიტრამდე შეივსება), თუ ბულიონი საკმარისი არ არის, დავამატოთ ადუღებული ცხელი წყალი, ხმელი პიტნა და მუდმივი მორევით მივიყვანოთ ადუღებამდე. ადუღებისთანავე დავუმატოთ დაჭრილი მწვანილი, ხორცის ნაჭრები, მარილი, ძმარი და ერთხელ წამოვადუღოთ.

© ღვინის კლუბი/Weekend