ევროპელ მევენახეთა მანიფესტი – 2009

მევენახის საქმეა ღვინის დაყენება და გაყიდვა.
მევენახის ღვინო ცოცხალია და სიამოვნების მომგვრელი. ღვინო არის მევენახის ფიქრის, ზვრისა და კულტურული გამოცდილების ნაყოფი.
მევენახისთვის მომხმარებელი არის თანამწარმოებელი.
მევენახე უფრთხილდება, აკეთილშობილებს და ამდიდრებს გარემომცველი ბუნების ბიომრავალფეროვნებას. იგი პატივს სცემს საკუთარი ზვრის წარსულს და ზრუნავს მის მომავალზე.
მევენახემ უნდა შეინარჩუნოს და გაზარდოს ნიადაგის ნაყოფიერება, მანვე უნდა დაიცვას წონასწორობა ზვრის ეკოსისტემაში.
მევენახე, როგორც სიცოცხლის არსის მცველი, უარს ამბობს ხელოვნური სასუქების, მცენარეთა დამცავი სინთეტური პრეპარატების და გენმოდიფიცირებული ორგანიზმების გამოყენებაზე.
მევენახემ უნდა გააცნობიეროს საკუთარი შესაძლებლობების ზღვარი და ყოველ თავის ქმედებაში უნდა ეძიოს არა მაქსიმუმი, არამედ ოპტიმუმი.
მევენახე პასუხისმგებელია თავისი საქმისთვის. მისი შრომა მარგებელი უნდა იყოს როგორც ბუნებისთვის, ასევე მომხარებლებისთვის, თანამემამულეებისთვის და დედამიწის ყველა მაცხოვრებლისთვის.
მევენახე ცდილობს ააწყოს და განავითაროს ურთიერთობები მეზობლად და მოშორებით მცხოვრებ კოლეგებთან, სხვა დარგის სოფლის მეურნეებთან, საკვების მწარმოებლებთან, მზარეულებთან, პედაგოგებთან, კვლევით და სასწავლო დაწესებულებებთან და საერთოდ მოსახლეობასთან.
მევენახის საქმიანობა გამჭვირვალეა – იგი ამბობს იმას, რასაც აკეთებს და აკეთებს იმას, რასაც ამბობს.
ფლორენციაში შეკრებილი ევროპელი მევენახეები, მოვუწოდებთ ეროვნულ მთავრობებს და ერთიანი ევროპის ხელისუფალთ არ შეზღუდონ ბიუროკრატიული დაბრკოლებებით და მითუმეტეს ინდუსტრიისთვის განკუთვნილი წესებით ევროპელ მევენახეთა საქმიანობის თავისუფლება და თავისებურება.