Home
ქართული | English
ოქტომბერი 2017
ორშსამოთხხუთპარშაბკვი
2526272829301
2345678
9101112131415
16171819202122
23242526272829
303112345

მულტიმედია

კომენტარები

მსოფლიოს 10 საუკეთესო ბიო-ღვინო

ჟურნალ Decanter-ის მიხედვით

დღეს მსოფლიოში სულ უფრო პოპულარული ხდება ბიო ანუ ორგანული ღვინო და მის წარმოებასაც, მომხმარებლის მზარდი ინტერესის გათვალისწინებით, მეღვინეები  მეტ ყურადღებას აქცევენ. პესტიციდებისა და ქიმიური სასუქების გარეშე მოყვანილი ყურძნისაგან ორგანული ღვინის დაყენება მარტივი პროცესი არ გახლავთ – ამგვარ ღვინოში არათუ ბიოწარმოებაში დაშვებულ პრეპარატებსა და დანამატებს, საერთოდ არანაირ დანამატს არ იყენებენ. მეტიც, იმ ტერიტორიაზე, სადაც ინახება ორგანული წარმოების პროდუქცია, ქიმიური ნივთიერებების გამოყენება, ჰიგიენური მიზნებითაც კი,  დაუშვებელია. ორგანული ღვინის წარმოების ამგვარი პრინციპები მევენახისა და მეღვინის  შრომას, რა თქმა უნდა, აასკეცებს, თუმცა შედეგი იმდენად მნიშვნელოვანი და შესანიშნავია, რომ მსოფლიოს მრავალი მეურნეობა და ღვინის საწარმო დღეს უკვე არჩევანს სწორედ ბიოღვინის წარმოებაზე აკეთებს.  

ორგანული მეთოდით მოყვანილი ყურძენი, როგორც უკვე აღვნიშნეთ, არ მუშავდება პესტიციდებით, ჰერბიციდებით და სხვა ქიმიური საშუალებებით. მევენახეთა ყურადღების  კონცენტრირება ხდება ბუნებრივ გარემოზე - ვენახის რიგთაშორის ბილიკებში  ითესება ისეთი მცენარეები, რომლებიც იცავენ ნიადაგს ეროზიისგან და ამარაგებენ მას არასინთეზური აზოტით. ეს მცენარეები კი, თავის მხრივ,  იზიდავენ სასარგებლო მწერებს, რომლებიც  ვაზისა და ყურძნის პარაზიტებს ანადგურებენ. ყურძნის მოყვანის ამგვარი მეთოდი ხელს უწყობს ბარაქიან მოსავალს და ამასთან, ნიადაგის ბუნებრივი ბალანსის შენარჩუნების შესანიშნავი საშუალებაცაა.

მეტად საინტერესო საკითხია ორგანული ღვინის სერთიფიკაცია, რაც მწარმოებლისთვის ხანგრძლივი და ძვირადღირებული პროცედურაა. ორგანული ღვინის სერთიფიკატის მისაღებად მეურნეობამ თავდაპირველად ერთ-ერთ საერთაშორისო სასერთიფიკაციო ინსტიტუტს უნდა მიმართოს. ამის შემდეგ, სამი წლის განმავლობაში, აღნიშნული ინსტიტუტის ინსპექტორები რეგულარულად იღებენ ღვინისა და ვენახის ნიადაგის სინჯებს. სერთიფიკატი ორგანულ ღვინოზე გაიცემა მხოლოდ მას შემდეგ, რაც აღებული სინჯები სავსებით დააკმაყოფილებს ბიოღვინისადმი წაყენებულ მკაცრ მოთხოვნებს. ამით პროცედურა არ მთავრდება - სერთიფიკატის მიღების შემდგომ ბიოღვინის წარმოება აღნიშნული ინსპექტირებით წელიწადში ოთხჯერ მოწმდება.

აღსანიშნავია, რომ დღეისათვის მსოფლიო ბიოღვინის წარმოებით  რამდენიმე ქვეყანა გამოირჩევა: საფრანგეთი, ამერიკის შეერთებული შტატები, გერმანია, ავსტრალია, ჩილე.  მსოფლიოს წამყვანმა ღვინის ჟურნალმა Decanter–მა ათი საუკეთესო ბიოღვინის საკუთარი ვერსია შემოგვთავაზა, რომელსაც დღეს ჩვენს გაზეთშიც გაეცნობით. მაშ, ასე, მსოფლიოს საუკეთესო ბიოღვინოთა ათეული ასე გამოიყურება:

1. Battle of Bosworth Wines, Shiraz, McLaren Vale, South Australia, 2008 Vintage Roots Ltd,  £14.99 ტკბილი, სხეულიანი, დაბალანსებული ღვინო გამოკვეთილი ხილის არომატით.
2. Domaine Albert Mann, Riesling, Grand Cru Schlossberg, Alsace, 2008 Les Caves de Pyrene,  £27.49 გრეიპფრუტის, ციტრუსის, მცენარეების არომატით ხასიათდება. ღრმა, ინტენსიური ღვინოა, ხანგრძლივ დაბოლოებაში მინერალური ნოტები ჭარბობს. Decanter-ის რეგიონალური ჯილდოს მფლობელი.
3. Cullen, Kevin John Chardonnay, Margaret River, Western Australia, 2007 Liberty Wines,  £39.95 ლიმონის, გრეიპფრუტისა და ატმის არომატით გამორჩეული შესანიშნავი შარდონე, ხასიათდება მსუბუქი მჟავიანობითა და დაბალანსებული მინერალობით. Decanter-ის რეგიონალური ჯილდოს მფლობელი.
4. Domaine Jean Bousquet, Malbec, Tupungato, Mendoza, 2008 Vintage Roots Ltd,  £7.99 მწიფე, ტკბილი ხილის, კენკრის, ყვავილებისა და თამბაქოს არომატით გამოირჩევა.
5. Domaine la Fourmente, Nature Rouge, Côtes du Rhône Villages Visan, Rhone, 2009 £9.90 ამ ღვინისთვის დამახასიათებელი ქლიავისა და  მაყვლის მდიდარი არომატი ბოლოსკენ შავი მოცხარის სპეციფიკურ გემოს ტოვებს. Decanter-ის რეგიონალური ჯილდოს მფლობელი.
6. Bonterra, Chardonnay, Mendocino County, USA 2008, Waitrose,£9.99 ლაიმის ცედრისთვის დამახასიათებელი ცოცხალი არომატითა და ხილის ნოტებით გამორჩეული ღვინო. Decanter-ის რეგიონალური ჯილდოს მფლობელი.
7. Matetic Vineyards, Corralillo Syrah, San Antonio, Chile, 2008, Genesis Wines,  £9.85 შავი პილპილის, სანელებლების არომატით გამორჩეული სხეულიანი ღვინო, ხილის მსუბუქი მჟავიანობით და შესანიშნავი ტექსტურით ხასიათდება.
8. Matetic Vineyards, Eq Syrah, San Antonio, Chile, 2008, Genesis Wines,  £17.50 ქლიავის, ყვავილებისა და წიწაკის არომატით გამორჩეული ღრმა ღვინოა, შესანიშნავი სტრუქტურითა და მსუბუქი მჟავიანობით.
9. Roncolato, Carnera, Amarone della Valpolicella, Veneto, 2006,  £22 ქლიავის, შოკოლადისა და სანელებლების არომატით გაჯერებული ღრმა ღვინოა ტკბილი ხილის დამახასიათებელი ნოტებით და საკმაოდ მშრალი დაბოლოებით. Decanter-ის რეგიონალური ჯილდოს მფლობელი.
10. Heaven On Earth Organic Sweet Wine, Western Cape, South Africa, Vintage Roots Ltd NV,  £8.99 მუსკატისა და ჟასმინის მათრობელა არომატით გამორჩეული ღვინოა კარამელიზებული მანგოს დაბოლოებით.

© ღვინის კლუბი/Weekend



    არცერთ ბიოღვინის მწარმოებელ ქვეყანაში, რამდენადაც მე ვიცი, არ ხდება ღვინის, როგორც საბოლოო პროდუქტისთვის "ბიოღვინის", ანუ ორგანული ღვინის სერთიფიკატის მინიჭება, ეს რბილად რომ ვთქვათ არასწორი ინფორმაციაა. ასევე არასწორია ისიც, რომ, თითქოს, არანაირ ქიმიურ საშუალებას არ ხმარობენ ორგანული ვენახიდან მიღებული მიღებული ნედლეულის გადამუშავებისას, რადგან გოგირდის დიოქსიდს თითქმის ყველა ბიომეღვინე იყენებს ღვინის დაყენებისას, წინააღმდეგ შემთხვევაში ძალიან რთულდება ღვინის დაავადებებისადმი მიდრეკილების შემცირება. გთხოვთ, გაითვალისწინოთ ჩემი მოკრძალებული შენიშვნა, რათა სხვა დროს გაუთვითცნობიერებელი მკითხველი უნებლიე შეცდომაში არ შევიყვანოთ!


    მართალია ამხანაგის გამოსვლა, ბიო ანუ ორგანული მეღვინეობა როგორც ასეთი არ არსებობს, არსებობს ორგანული მევენახეობა, ანუ ბიოყურძენს შემდეგ მარანში თითქმის ისევე ამუშავებენ, როგორც ინდუსტრიულ მეღვინეობაშია მიღებული, განსხვავება მხოლოდ ქიმიური საშუალებების დოზებშია. მარანში ქიმიურ საშუალებებს არ იყენებენ ბიოდინამიკოსები და ჯერჯერობით ე.წ. ნატურალური ღვინის მწარმოებლები.


    სასიამოვნოა, რომ ამ თემაზე დისკუსია გაიმართა. მეც მინდა მოგახსენოთ ჩემი მოკრძალებული მოსაზრება. პირველ რიგში მინდა ავღნიშნო რომ ნიშანი ,,ბიო” მხოლოდ მაშინ ენიჭება პროდუქცია როდესაც ის არის სერთიფიცირებული. ღვინის შემთხვევაში კი ხდება შემდეგნაირად, სერთიფიცირდება ვენახი და სერთიფიცირდება საწარმო ანუ გაიცემა ორი სერთიფიკატი როგორც ყურძენზე ასევე ღვინოზე. ის, რომ მარტო ბიო ყურძენი არსებობს ამაშვი ვერ დაგეთანხმებით. ბიო ყურძენის არსებობა არ იძლევა იმის გარანტიას რომ ღვინოც აუცილებლად ბიო იქნება. რაც შეეხება ქიმიის გამოყენებას. ეს ყოველივე გაწერილია და რეგულირდება სტანდარტით რომელიც შეიძლება სხვადასხა სერთიფიცირების ორგანოს სხვადასხვა ჰქონდეს ან მკაცრი ან შედარებით იოლი, მაგრამ ეს არ შეიძება იყოს იმაზე იოლი იმ ზოგად დებულებაზე რომელსაც ,,კოდექს ალიმენტარიუსი” ქვია ყველა სტანდარტი ეფუძნება ამას. ანუ ზოგიერთი სერთიფიცირების სამსახურის სტანდარტი შეიძლება კატეგორიულად კრძალავდეს თუნდაც გოგირდის გამოყენებას, ზოგიერთი სტანდარტით კი შეიძლება დაშვებული იყოს.


    ბიოსერთიფიკატი საწარმოზე და ვენახზე არ ნიშნავს ბიოღვინოს, ასეა თუ არა? მაგალითად თუ გასაწებად გამოიყენება ბიოკვერცხი ამ შემთხვევაში ღვინო ბიოა და თუ კონვენციური ქათმის დადებული კვერცხი მაშინ არა?


    მე მაქვს კითხვა "ჩარდახთან", რას ითვალისწინებს საწარმოს სერტიფიცირება? საწარმოო გარემოს, თუ ღვიის დაყენების პროცესს? მე როგორც ვიცი, ე.წ. ბიო ღვინის დაყენების პროცესი, ბიო კანონმდებლობის მოთხოვნებით პრაქტიკულად არ განსხვავდება ინდუსტრიული მეღვინეობის პროცესისგან, ანუ ყველა ის ხერხი და მასალა რასაც იყენებენ ინდუსტრიალები დაშვებულია ბიო ღვინის წარმოების პროცესშიც. სწორედ ამიტომაა რომ ზოგადად ბიო ღვინის სამყაროს გამოეყო ნატურალური მეღვინეობის სეგმენტი, სადაც ვენახის ორგანულობასთან ერთად აუცილებელია ღვინის ნატურალობის დაცვა. თუმცა "ნატურალისტების" სამყაროც არაერთგვაროვანია, ანუ მოთხოვნები მეტნაკლები სიმკაცრისაა სხვადასხვა დაჯგუფებისთვის. ყველაზე მკაცრი მოთხოვნები აქვს triple A-ს და ნიკოლა ჟოლის მიერ დაფუძნებულ ორგანიზაციას "დაბრუნება ტერუართან". ამ ჯგუფების მეღვინეთათვის დაშვებულია მხოლოდ მსუბუქი ფილტრაცია და მცირე დოზით გოგირდის ანჰიდრიდის გამოყენება ბოთლში ღვინის ჩამოსხმის წინ. თუმცა კარგ ტონად და მიღწევად ითვლება ამ ორი ხერხის გამოუყენებლობა.


    ძალიან კარგია რომ არსებობს მოთხოვნა ბიო ღვინოზე. მაგრამ მნიშვნელოვანია, რომ მეტი ინფორმაცია გვქონდეს ბიო ღვინის მიღებისა და კანონმდებლობის შესახებ. აქედან გამომდინარე ნათელი იქნება ამ მიმართულების შესაძლებლობები


    ჩვენს საიტზე არაერთი პუბლიკაციაა ამასთან დაკავშირებით. თუნდაც ეს: http://vinoge.com/mevenaxeoba/organuli-meRvineoba



    მე მაინტერესებს,საქართველში თუ არის ვინმე დაკავებული ასეთი პროდუქციის გამოშვებით? და მეორე,ესეთი ბიო ყურძენი ქვევრში დაყენებული არის თუ არა ბიო ღვინო?


    სავსებით შესაძლებელია ბიო ღვინო იყოს მდგრადი თუ მეღვნე დაიცავს ყველა წესს, ბოთლებში ჩამოსხმული ბიო ღვინო ყველა ვარიანტში დაილექება თუ ის მინმუმ 3 წლის არ არის. სწორედ ასაკია მთავარი ღვინსთვის რომ არ დაილექოს. ყველა ბიო იქნება მდგრადი თუ ის ჭაჭაზეა შენახული.

    თქვენი კომენტარი

    თქვენი ელ-ფოსტა არ გამოქვეყნდება
    • Web page addresses and e-mail addresses turn into links automatically.
    • No HTML tags allowed

    More information about formatting options

    By submitting this form, you accept the Mollom privacy policy.
    საქართველოს ღვინის რუკა
    თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.