გამოქვეყნებულია: 13 ივნისი, 2014 - 13:35
შედარებით ღია ჟოლოსფერი საფერავია, ახალი, ცოცხალი ღვინო, თხელი და ჰაეროვანი. პირველივე სურნელში ძალიან ცხადად იგრძნობთ კენკრის ტონებს, მოცვს და შავი მოცხარის არომატებს. საკმაოდ მაღალჟავიანი ხალისიანი ღვინოა, საშუალო დაბოლოებით. მიაყოლეთ მოტკბო სოუსით მომზადებულ საქონლის შემწვარ ხორცს.
2015 წლის შემოდგომის დახასიათება
როგორც სახელიდანაც ჩანს, ველისციხეში მოკრეფილი საფერავიდანაა ღვინო დაყენებული. შინდისფერია, სასიამოვნო გარეგნობის. ტკბილი, მწიფე პირველი სურნელებით ხასიათდება, სადაც უფრო მეტად შავი კენკრა ამოიცნობა (მოცვი). გემოზე ჩამოყალიბებულია, გაწონასწორებული, ხოლო კენკრის არომატები კიდევ უფრო საგრძნობი ხდება. ელეგანტური ღვინოა, შედარებით დაბალი ალკოჰოლით (11,5%) და მაღალი მჟავიანობით.
© ღვინის კლუბი /Weekend
თემა:
ბეჭდვა
თქვენი კომენტარი