სოფელ ჭიკაანში, ნაოტარის ზვრებში მოყვანილი სამი ჯიშიდან, რქაწითლიდან, ქისიდან და ხიხვიდან დაყენებული ღვინოა (პროცენტული შეფარდება – 40-40-20%). ქვევრში, კახური ტრადიციული წესითაა ჩაწურული და დავარგებული, 3 თვე ჭაჭაზე და კლერტზე. ქარვისფერი ღვინოა, პირველივე სურნელებში მცენარეულ და თხილის და ნიგვზის სურნელს იგრძნობთ, რომელსაც ქართული სუნელების არომატი ავსებს. დაბოლოებაში მცირედი ყავის ტონებიც მოჩანს. ძლიერი, მაღალტანინიანი, ახალგაზრდა ღვინოა, კარგი მისაყოლებელია საქონლის და ღორის მოხარშულ ხორცთან.
2015 წლის შემოდგომის დახასიათება
ძალზე სასიამოვნო გარეგნობით გამოირჩევა ეს ღვინო, კამკამა ქარვისფერია. სოფ. ჭიკაანთან, ნაოტარის ცნობილ ზვრებში დაკრეფილი სამი ჯიშიდანაა ღვინო დაყენებული. პირველი სურნელი ძალიან ეფექტური აქვს, სადაც მოტკბო სურნელებს მცენარეული ერწყმის. ეს დაგემოვნებისას უფრო ცხადი ხდება, – თაფლის ნამცხვარი, იმერული ზაფრანა, ფორთოხლის ცედრა. ღვინო სასიამოვნო, ძლიერი ტანინებით ხასიათდება და ხანგრძლივი დაბოლოება აქვს.
© ღვინის კლუბი /Weekend
ბეჭდვა
თქვენი კომენტარი