გამოქვეყნებულია: 22 თებერვალი, 2009 - 18:00
მუკუზნის მიკროზონაში დაკრეფილი საფერავიდან დაყენებული ეს ღვინო ნამდვილად ამართლებს იმ მოლოდინებს, რომელსაც 2007 წლის მუკუზნის მოსავალს უკავშირებენ მეღვინეები. გასულ წელს მუკუზანში მართლაც გამორჩეული ღვინო დადგა და ეს ღვინო 2007 წლის პირველი “მუკუზანია”, რომელიც მე გავსინჯე. ღვინო ჯერ ახალგაზრდაა, სასიამოვნო სიმწკლარტე უფრო საგრძნობია, ვიდრე ჩამოყალიბებული ღვინისთვის დამახასიათებელი სირბილე, სურნელებში კი უკვე კარგად მოჩანს კენკრისა და დაფნის ტონები. ღვინო მუქი ალუბლისფერია, ახასიათებს სასიამოვნო გამჭვირვალობა. საკმაოდ სხეულიანია.
თბილღვინოს ”მუკუზანი” კარგი წყვილია კუჭმაჭთან, ცივად მოხარშულ ღორის ხორცთან, ძეხვეულთან, კუპატთან, ჯიგრის ყაურმასთან.
მალხაზ ხარბედია
© vinoge.com
თემა:
ბეჭდვა
თქვენი კომენტარი