გამოქვეყნებულია: 13 ოქტომბერი, 2010 - 23:52
ეს ღვინო “თელავის მარნის” კონდოლური კოლექციის კიდევ ერთი ნიმუშია. აქ ორი ტრადიციული კახური ჯიშია შერეული, ერთნაირად სურნელოვანი და ეფექტური ღვინის მომცემი, მწვანე და ქისი. საერთაშორისო წესის მიხედვით, ის, რომ ეტიკეტზე პირველ რიგში მწვანე წერია, ნიშნავს, რომ ღვინოში მწვანეს წილი მეტია. ეს “კონდოლი” მკრთალი ჩალისფერია, ციტრუსების, პირველ რიგში კი ლიმნის სურნელი მოდის, ხოლო გემოზე მსუსხავია, მომწაროც კი. საკმაოდ ძლიერი, მაღალგრადუსიანი ღვინოა (13,5%). ხანგრძლივი დაბოლოება ახასიათებს. მიაყოლეთ ქათმის სალათებს.
© ღვინის კლუბი/“Weekend“
თემა:
ბეჭდვა
თქვენი კომენტარი