გამოქვეყნებულია: 17 ოქტომბერი, 2010 - 00:20
ბოლო დროის მანძილზე რამდენიმე კომპანია საკმაოდ ხარისხიან კახურ ტრადიციულ ღვინოს ასხამს. ეს “კახური სამეფო” ერთ-ერთი ასეთი გამორჩეული ღვინოა. იგი სამი ძირითადი კახური ჯიშიდან, რქაწითლიდან, მწვანედან და ხიხვიდანაა დაყენებული. ქარვისფერია, პირველივე ყლუპიდანვე ფეიხოას ძალიან მკვეთრი სურნელები იგრძნობა, რაც განსაკუთრებულ პიკანტურობას სძენს ღვინოს, ასევე ამოიკითხავთ დაფნის ტონებსაც. ძალზე დაბალანსებული ღვინოა, დარბილებული ტანინებით, გემრიელი დაბოლოებით. მიაყოლეთ აჯაფსანდალს, ნიგვზიან ბადრიჯანს, ჩანახს.
© ღვინის კლუბი/“Weekend“
თემა:
ბეჭდვა
თქვენი კომენტარი