გამოქვეყნებულია: 26 მარტი, 2016 - 14:21
მეორე ობჩაში, ღვალაძეების საოჯახო მარანი ბევრ თქვენთაგანს შეიძლება 2011 წლის მოსავლის ღვინით გახსოვდეთ. სწორედ ეს ღვინო იყო ღვალაძეების პირველი ღვინო, რომელიც ქართულ ბაზარზე გამოვიდა. მაშინ პროექტმა „ღვინის კერამ“ წარუდგინა ეს ღვინო ქართველ მომხმარებელს. ამჯერად უკვე ზურაბ ღვალაძის მარნის სახელით შეგიძლიათ იპოვოთ ეს ჩალისფერი, ძალზე სასიამოვნო და ეფექტური ობჩური ცოლიკოური. საკმაოდ მაღალი ალკოჰოლის მიუხედავად (13,3%) ძალზე ჰაეროვანი, ციცხალი და ხალისიანი ღვინოა, მცირედი ბუშტუკებით. ხილის ყვავილების, თეთრი ხილის (თეთრი თუთა, ანანასი, თეთრი ქლიავი) და მცენარეული ტონებით. სასიამოვნო, გამჭოლი მჟავიანობა კარგად აგვირგვინებს ღვინოს.
© ღვინის კლუბი/vinoge.com
თემა:
ბეჭდვა
თქვენი კომენტარი