გამოქვეყნებულია: 5 ივნისი, 2018 - 13:21
ამ მარნის შარშანდელ ცოლიკოურს უკვე იცნობს ქართველი მომხმარებელი. ეს ახალგაზრდა ხალასი ღვინო ჩალისფერია, ძალზე ეფექტური და ცინცხალი არომატებით, სადაც მწვანე და ყვავილოვან სურნელებს ტროპიკული და თეთრი ხილის ტონები ერთვის (პირველ რიგში ბანანი და თეთრი ქლიავი). სასიამოვნო მჟავიანობის ნაზი და ჰაეროვანი ღვინოა. გემოში კიდევ უფრო ზუსტდება არომატები და საინტერესო დაბოლოებად ყალიბდება. ეს ჭურის ღვინო ნამდვილად გამორჩეული ნიმუშია იმერულ თეთრ ღვინოებს შორის და ზუსტად გამოხატავს სტილს, რომელიც დრესდრეობით თავის ახალ სიცოცხლეს იძენს და რომელსაც ობჩური ცოლიკოური შეგვიძლია ვუწოდოთ.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
თემა:
ბეჭდვა
თქვენი კომენტარი