ჰოლივუდის მსახიობმა გვინეტ პელტროუმ თავის თაყვანისმცემლებს კიდევ ერთი, ამჯერად კულინარიული ტალანტით წარუდგა. პელტროუმ გამოსცა რეცეპტების წიგნი, რომელსაც სახელად “მამაჩემის შვილი” (My Father’s Daughter)უწოდა. თვითონ მსახიობი თვლის, რომ არ არის აუცილებელი, მისი პროფესიის ადამიანები საოჯახო საქმიანობაში მთლად უმწეოდ გამოიყურებოდნენ. პელტროუ სიამოვნებით უძღვება საოჯახო მეურნეობას და სამზარეულოშიც ხშირად ტრიალებს, მაგრამ, მიუხედავად ამისა, წიგნის შედგენამდე დახმარებისა და რეცეპტების შესარჩევად ცნობილ მზარეულს - ჯულია ტურშენს - მიმართა. “ჯულიას გარეშე წიგნს ვერ დავწერდი, რადგან ის მუდმივად ჩემს გვერდით იდგა სამზარეულოში: მირჩევდა სწორ რეცეპტებს, ფოტოსურათებს და კრიზისული სიტუაციის დროს სასარგებლო რჩევებითაც მამარაგებდა”, - აღიარა პელტროუმ.
© ღვინის კლუბი/Weekend
ბეჭდვა
თქვენი კომენტარი