გამოქვეყნებულია: 26 ოქტომბერი, 2012 - 19:40
ღვინის მოყვარულებს კრიტიკოსებმა საუკეთესო საჩუქარი მოუმზადეს – ენოფილის ყველაზე დიდი ენციკლოპედია - Wine Grapes. წიგნზე მუშაობა ოთხი წლის განმავლობაში მიმდინარეობდა, ავტორთა შორის არიან ცნობილი ექსპერტები: ჯენსის რობინსონი და ჯულია ჰარდინგი. 1200-გვერდიან ენციკლოპედიაში მოცემულია ინფორმაცია ყურძნის 1 368 ჯიშის შესახებ, აღწერილია მათი წარმოშობის ისტორია, გავრცელების არეალი, მახასიათებლები, გაშენების თავისებურებები და ა.შ. გარდა ამისა, წიგნში ყურძნის კონკრეტული ჯიშებისგან დაყენებული სხვადასხვა ღვინის მიმოხილვასაც იხილავთ და მათ შორის ავტორთა მიერ საუკეთესოდ აღიარებულ ღვინოებსაც გაეცნობით. წიგნი Wine Grapes ამ თვეში გამოვა აშშ-სა და ბრიტანეთის ბაზარზე. მასში არაერთი ქართული ჯიშის მიმოხილვაცაა შესული.
© ღვინის კლუბი/Weekend
ბეჭდვა
თქვენი კომენტარი