ძროხის ხორცი ბრინჯით

საჭირო მასალა: 2 ს.კ. სიმინდის ფქვილი, 1,5 ჭიქა ძროხის ბულიონი, 2 ს.კ. სოიას სოუსი, 0,5 ს.კ. დაკეპილი ნიორი, 1 ს.კ. ყავისფერი შაქარი, 500 გ  მოგრძო ნაჭრებად დაჭრილი ძროხის რბილი ხორცი, 250 გ ბროკოლი, 1 ჭიქა გრძელი ბრინჯი, 2 ჭიქა წყალი, 2 ს.კ. კარაქი, მარილი, პილპილი – გემოვნებით.

მომზადება: ბულიონში გავხსნათ ფქვილი, სოიას სოუსი, შაქარი და ნიორი. ღრმა ტაფაში შევწვათ ძროხის ხორცი, ხშირად ვატრიალოთ, რომ თანაბრად შეიწვას, ცხიმი გადავღვაროთ, ჩავუმატოთ ბროკოლი და 2 წუთი ვშუშოთ. ხორცსა და ბროკოლის დავასხათ ბულიონში გახსნილი ინგრედიენტები და ვშუშოთ მომზადებამდე. პარალელურად მოვხარშოთ ბრინჯი – ჩავყაროთ ადუღებულ მარილ-წყალში, დავუმატოთ კარაქი, დავახუროთ სახურავი და ვხარშოთ 15 წუთი. ხორცი და ბროკოლი მივირთვათ ბრინჯთან ერთად, სურვილისამებრ მოვასხათ სოუსიც.

© ღვინის კლუბი/Weekend