ვაშლის ხვეულები

საჭირო მასალა: 500 გ საფუვრიანი ფენოვანი ცომი, 6-7 ცალი მჟავე, მაგარი ვაშლი, 1 ჭიქა შაქარი, 2 ჭიქა წყალი, შაქრის პუდრა – გასაფორმებლად.

მომზადება: ვაშლებით ოთხად გავყოთ, ამოვაცალოთ გული და ძალიან თხლად დავჭრათ. წყლითა და შაქრით მსუბუქი ვაჟინი მოვხარშოთ და ვაშლის ნაჭრები შიგ ჩავყაროთ. თუ ვაჟინი საკმარისი არ იქნება, ამავე პროპორციით კიდევ დავამზადოთ და დავუმატოთ ვაშლს. ვაჟინში ვაშლი ვხარშოთ დაახლოებით 2-3 წუთის განმავლობაში. ვაშლი უნდა დარბილდეს, მაგრამ არ ჩაიშალოს. მოხარშული ვაშლი დასაწრეტად საწურზე გადავიტანოთ. ცომი დავჭრათ და

30-35 სმ სიგრძისა და 4 სმ სიგანის თხელ ფირფიტებად გავაბრტყელოთ, თითოეულზე მოვათავსოთ მოხარშული ვაშლის ნაჭერები და რულეტივით გადავახვიოთ. რულეტები გადავიტანოთ  ცხიმწასმულ თუნუქის ფურცელზე და 200 გრადუსზე გახურებულ ღუმელში 20-25 წუთის განმავლობაში ვაცხოთ. ვაშლის ხვეულებს მოვაყაროთ შაქრის პუდრა.

© ღვინის კლუბი/Weekend