სამარხვო ტორტი

საჭირო მასალა: ცომისათვის – 2 ჭიქა ფქვილი, 1 ჭიქა თბილი წყალი, 1 ჭიქა რაფინირებული (სასურველია სიმინდის) ზეთი, 1/4 ჩ.კ. მარილი, 1 ჩ.კ. სოდა, 1 ს.კ. ძმარი. კრემისათვის – 600 გ შაქარი, 0.5 ჭიქა წყალი, 8 ს.კ. მანანის ბურღული, 1 ს.კ. სიმინდის ზეთი. მოსართავად – 1 ჭიქა დაფქული ნიგოზი.

მომზადება: ფქვილი, წყალი, ზეთი, ძმარში გახსნილი სოდა და მარილი შევურიოთ და მოვზილოთ ცომი. ცომი გავყოთ 4 ნაწილად, თითოეული თხლად გავაბრტყელოთ, დავფინოთ ცხიმწასმულ თუნუქის ფურცელზე და წინასწარ გახურებულ ღუმელში 10 წუთის განმავლობაში 180 გრადუს ტემპერატურაზე ვაცხოთ. კრემისათვის 0,5 ჭიქა თბილ წყალში გავხსნათ შაქარი და ნელ ცეცხლზე მივიყვანოთ ადუღებამდე. ჩავყაროთ მანანის ბურღული და მოვხარშოთ ფაფა. ფაფა გავთქვიფოთ მიქსერით სიმინდის ზეთთან ერთად. ზეთი შეგვიძლია შევცვალოთ ქოქოსის ცხიმით. შეგრილებული კრემი წავუსვათ ფენებს და ზემოდან ნიგოზი მოვაყაროთ.

© ღვინის კლუბი/Weekend